Ég heiti Ólafur Ingi Tómasson en er oftast kallaður Ingi. Ég er giftur Önnu Pálsdóttur, hárgreiðslumeistara og eigum við tvö börn, Pál og Hjördísi Ýr. Ég er lærður húsasmiður en starfaði í slökkviliði Keflavíkurflugvallar frá árinu 1978 til ársins 2013. Samhliða starfi mínu í slökkviliðinu rak ég ásamt Páli Pálssyni Fjarðarplast sf. Áhugamálin eru nokkur m.a. líkamsrækt, útivist og golf ásamt því að ferðalög á framandi slóðir heilla, svo er garðurinn í miklu uppáhaldi.
Ég var gjaldkeri fulltrúaráðs Sjálfstæðisflokksins í Hafnarfirði frá árinu 2007 til 2014. Hef setið í skipulags- og byggingarráði frá árinu 2010 þar af sem formaður frá árinu 2014. Hef setið í hafnarstjórn, umhverfis- og framkvæmdaráði og var ég fyrsti varamaður Sjálfstæðisflokksins í bæjarstjórn Hafnarfjarðar árin 2010-2014.
Var kjörinn í bæjarstjórn Hafnarfjarðar vorið 2014, er formaður skipulags- og byggingarráðs og sit í bæjarráði. Hef tekið virkan þátt í flokksstarfinu öll þessi ár.
Ég hvet ykkur til að lesa greinar sem eru á síðunni þar sem áherslur mínar koma nokkuð vel fram.
Ingi Tómasson 
December 11, 2013 at 7:14 pm
Bestu kveðjur úr Garðinum,þar sem lognið á heima og ávallt er hlýtt 😉
December 11, 2013 at 8:30 pm
Stanslaus garðveisla í Garðinum.
January 16, 2014 at 1:07 am
Ingi er öflugur einstaklingur sem er tilbúinn til að taka til í málefnum Hafnarfjarðarbæjar og koma réttu skikki á skuldastöðu bæjarins. Hvet alla til að kynna sér skoðanir hans á málefnum Hafnarfjarðarbæjar.
January 16, 2014 at 11:12 pm
Takk fyrir góð orð í minn garð.